Молитва до Пресвятої Богородиці
Пресвятая Дево, Мати Господа нашего Иисуса Христа, яже веси рождение и естество матере и чада, помилуй рабу Твою (имярек) и помози в час сей да разрешится бремене своего благогополучно. О Всемлостивая Владычице Богородице, Яже не потребовала еси помощи в рождении Сына Божия, подаждь помощь сей рабе Твоей помощи требующей, наипаче же от Тебе. Даруй ей благомощие в час сей, и младенца, иже имать родитися и внити в свет мира сего сподоби в благопотребное время и умнаго света во святем Крещении водою и духом. Тебе припадаем Мати Бога вышняго молящеся: буди милостива мати сей, ейже прииде время быти мати, и умоли воплотившагося из Тебе Христа Бога нашего, да укрепит ю силою Своею свыше.
Яко держава его благословена и препрославлена, со безначальным его Отцем, и с пресвятым и благим и животворящим его Духом, ныне и присно, и во веки веков. Аминь.
Молитва інша до Господа Ісуса Христа
Господи Иисусе Христе, Боже наш, от Превечнаго Отца рожденный Сыне прежде век, и в послендния дни, благоволением и содействемъ Святаго Духа, изволивый рожденну быти от Пресвятыя Девы яко Младенцу, повиену и положену быти во ясли, Сам, Господи, в начале сотворивый человека и жену спрягий ему, заповедь дав им: раститеся и множитеся, и наполните землю, помилуй по велицей милости Твоей рабу твою (имярeк) готовящуюся родити по заповеди Твоей. Прости ей вольная и невольная грехи, благодатию Твоею даруй ей силу благополучно разрешитися от бремене своего, сохрани сию и младенца во здравии и благомощии, огради я Аггелы Твоими и сохрани от неприязненнаго действия лукавых духов, и от всякия вещи злыя.
Яко благ и Человеколюбец Богъ еси, и тебе славу возсылаем, Отцу, и Сыну, и Святому Духу, ныне и присно, и во веки веков. Аминь.
P.S. Більшь правильніше щоб дані молитви читав перед пологами священник
Молитва до Пресвятої Богородиці
Приими, Госпоже Богородительнице, слезная моления рабов Твоих, к Тебе притекающих. Зрим Тя на святей иконе во чреве носящую Сына Твоего и Бога нашего, Господа Иисуса Христа. Аще и безболезненно родила еси Его, обаче матерния скорби веси и немощи сынов и дщерей человеческих зриши. Темже тепле припадающе к цельбоносному образу Твоему и умиленно сей лобызающе, молим Тя, Всемилостивая Владычице: нас, грешных, осужденных в болезнех родити и в печалех питати чада наша, милостивно пощади и сострадательно заступи, младенцы же наша, такожде и родившия их, от тяжкаго недуга и горькия скорби избави; даруй им здравие и благомощие, да и питаемии от силы в силу возрастати будут, и питающия их исполнятся радостию и утешением, яко да и ныне предстательством Твоим из уст младенец и ссущих Господь совершит хвалу Свою.
О Мати Сына Божия! Умилосердися на матери сынов человеческих и на немощныя люди Твоя: постигающия нас болезни скоро исцели, належащия на нас скорби и печали утоли и не презри слез и воздыханий рабов Твоих. Услыши нас в день скорби, пред иконою Твоею припадающих, и в день радости и избавления приими благодарная хваления сердец наших. Вознеси мольбы наша ко Престолу Сына Твоего и Бога нашего, да милостив будет ко грехом и немощем нашим и пробавит милость Свою ведущим имя Его, яко да и мы, и чада наша, прославим Тя, Милосердную Заступницу и верную Надежду рода нашего, во веки веков. Аминь.
Молитва до Пресвятої Богородиці інша
О Пресвятая Госпоже Владычице Богородице, в земной жизни нас не оставляющая! К кому молитвы вознесу, к кому слезы и воздыхания принесу, аще не к Тебе, всех верных утешение! Со страхом, верою, любовию, Мати Живота, молю: да вразумит Господь люди православныя во спасение, да даст раждати нам чад Тебе и Сыну Твоему во благоугождение, да соблюдет нас в чистоте смирения, в надежде о Христе спасения, и дарует нам всем, в покровех благодати Твоея, земное утешение. Храни нас под сению милости Твоея, Пречистая, молящимся о родах помози, наветов злых свободи, тяжких бед, напастей и смертей отврати. Даждь благодатное прозрение, дух сокрушения о гресех, даждь зрети всю высоту и чистоту дарованнаго нам Христова учения; храни нас от погибельнаго отчуждения, да вси, благодарне воспевающе величия Твоя, сподобимся небеснаго успокоения и тамо с возлюбленными Твоими, со всеми святыми прославим в Троице Единаго Бога: Отца и Сына и Святаго Духа, ныне и присно, и во веки веков. Аминь.
(1851)
